Bybelse wysheid

DR. ANNES NELHabakuk 2:16: “Die Here sal jou die oordeelsbeker wat in sy hand is, gee om te drink en jou eer sal in skande verander word.”Die Chaldeërs het baie mense sleg behandel. Dit het hulle swak en kwesbaar gemaak. Hulle arrogansie het alles om hulle beïnvloed. Hulle het die natuur verwoes, mooi bome van Libanon afgekap vir konstruksie en wilde diere genadeloos gejag (2:17). Hulle het trekdiere met swaar materiaal oorlaai en geen agting vir lewe getoon nie. God gaan hulle nou oordeel. Hulle eer sal skande word. Uiteindelik is dit net Hy wat werklik regeer. Hy sal reg en geregtigheid herstel.Ons is nie beter as die Chaldeërs nie. Soms gee ons mense rondom ons die beker van oordeel om te drink. Ons kan net so genadeloos wees met mense en God se skepping. Ons dink ons is in beheer.Die beeld van ’n beker word dikwels in die Bybel gevind. Soms verwys dit na God se oordeel (sien Ps 11:6; 75:9; Jer 49:12). Jesus vra sy dissipels of hulle uit sy beker kan drink (Mark 10). In Getsemane pleit hy dat die beker van God se oordeel van hom weggeneem sal word (Matteus 26:39-42).Ons goddeloosheid bring ons onder God se oordeel. Ons moet ons bekeer en ons tot Christus draai, wat God se oordeelsbeker vir ons sondes gedrink het. Dan moet ons saam met God teen onreg opstaan. Here, herstel reg en geregtigheid, ter wille van Christus. Amen.

Bybelse wysheid

Kommentaar

Republikein 2025-06-18

Meld asseblief aan om kommentaar te lewer

Bybelse wysheid

Kommentaar

Republikein 2025-06-18

Meld asseblief aan om kommentaar te lewer

MELD AAN

Advertensie