Bybelse Wysheid

DR. ANNES NELHebreërs 12: ". . . laat ons die wedloop wat vir ons voorlê, met volharding hardloop. . ."Martin Luther het gesê geloof is merkwaardig omdat dit gemoeid is met wat ons nie kan sien nie. Wanneer ons iets kan sien en aanraak, is geloof onnodig. Byvoorbeeld, ’n ryk persoon wat baie hulpbronne het, toon nie werklik geloof deur te glo dat hy nie honger sal ly en sterf nie. Geloof is om wanneer jy niks het nie, steeds God se beloftes te vertrou – dat Hy soos ’n pa vir jou sal voorsien en sorg.Dit is frustrerend as mense die Christelike lewe maklik laat lyk. Hulle sê dikwels alle probleme sal verdwyn as ons Jesus as Verlosser sal aanvaar. Wanneer probleme dan opduik, is dit vir baie moeilik om aan te hou glo.Die skrywer van Hebreërs wys dat geloof nie net ’n eenmalige besluit is om Jesus te aanvaar nie. Dit is eerder soos om ’n marathon te hardloop (3:6; 4:14; 6:11,12,15). Dit verg deursettingsvermoë, selfs wanneer jy uitasem is en jou bene pyn. Soms sal jy wil opgee.Terwyl ons op pad is na die beloofde land toe, moet ons onthou dat daar baie mense is wat die geloofsmarathon voor ons voltooi het (Hebreërs 11). Hulle het probleme ondervind, maar het aangehou omdat die belofte die moeite werd was (11:13-16,32-40). Hulle staan by die wenstreep en moedig ons aan om aan te hou. Dit is alles die moeite werd.

Bybelse Wysheid

Kommentaar

Republikein 2025-08-05

Meld asseblief aan om kommentaar te lewer

Bybelse Wysheid

Kommentaar

Republikein 2025-08-05

Meld asseblief aan om kommentaar te lewer

MELD AAN

Advertensie