Bybelse wysheid

DR. ANNES NELLukas 4:18,19: “Hy het My gestuur ... om die genadejaar van die Here aan te kondig.”Hoe het Jesus sy bediening gesien? Wat kan ons van Hom verwag? Jesus sê sy taak was om God se genadejaar vir die gebrokenes aan te kondig. Die genadejaar verwys na wat in die wet geskryf is. Elke 50 jaar is grond teruggegee aan mense wat dit verloor het, slawe is bevry en skuld is afgeskryf (Lev 25).Jesus beklemtoon hierdie oomblik: “Vandag is hierdie Skrifwoord wat julle nou net gehoor het, vervul” (4:20). Dis ’n kragtige boodskap. Die man van Nasaret bring goeie nuus aan die armes, die slawe, die gevangenes en die verdruktes.Jesus het opgetree toe die land en die Jode onder Romeinse beheer was. Hy haal Jesaja 61:1-2 aan, wat verwys na ’n tyd toe die mense hulle plek van aanbidding en sekuriteit verloor het. Almal wat na Jesus geluister het, het geweet dat God se belofte van verlossing aangekondig word.Dit maak nie saak hoe haglik ’n mens se situasie is nie, Jesus se jaar van genade en herstel het vir ons almal aangebreek. Dit is hoekom Hy na hierdie wêreld gekom het.

Bybelse wysheid

Kommentaar

Republikein 2025-11-05

Meld asseblief aan om kommentaar te lewer

Bybelse wysheid

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.