BYBELSE WYSHEID

DR. ANNES NELLukas 10:27: Jy moet die Here jou God liefhê met jou hele hart en met jou hele siel en met al jou krag en met jou hele verstand, en jou naaste soos jouself.Wie is ons naaste? Op watter stadium hou iemand op om ons naaste te wees? Die houdings van die priester, Leviet en wetgeleerde vloei in ons are. Jesus vertel hierdie gelykenis om die wetgeleerde te help besef dat hy net soos die priester en Leviet is. Albei was sonder medelye vir iemand in nood. Dit gaan nie hier oor rituele reinheid wat verband hou met die aanraking van ’n dooie persoon nie (Levitikus 21), aangesien die man lewe! Die gelykenis se rigting is weg van Jerusalem af nadat hulle by die tempel was. Daarbenewens het rabbynse lering die verantwoordelikheid beklemtoon om ’n mens se naaste by te staan in haglike situasies - as iemand besig is om te verdrink, aangeval of beroof word. Hier is die opdrag om reinheid te handhaaf onvoorwaardelik, terwyl die opdrag om lief te hê voorwaardelik is.Die standaarde van my gemeenskap en my vriende bepaal dikwels hoe ek liefde betoon. Die mees radikale boodskap egter is dat daar min onderskeid is tussen die rowers en godsdienstige mense. Ons maak soos hulle: Hulle kom, sien en loop aan, sonder om iets te doen. Hier is twee soorte sonde: die rowers rig skade aan deur geweld, terwyl ons sondig deur niks te doen nie.Here, help ons om onbeperkte liefde te betoon. Amen

BYBELSE WYSHEID

Kommentaar

Republikein 2026-05-05

Meld asseblief aan om kommentaar te lewer

BYBELSE WYSHEID

Kommentaar

Republikein 2026-05-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.