Bybelse wysheid

DR. ANNES NEL2 Korintiërs 12:9: “My genade is vir jou genoeg. My krag kom juis tot volle werking wanneer jy swak is.”Wanneer dinge in ons lewens verkeerd loop, skryf Henri Nouwen, sien ons dit dikwels as ’n vloek. Die uitdaging, sê hy, is om alles in ons lewens onder God se seën te bring. Ons is nie vervloek nie – ons is God se geliefdes.Paulus het baie gely vir sy getrouheid aan Christus (11:23-28). Hy is beskinder, gewantrou en het een of ander fisieke probleem gehad. Al weet ons nie presies wat dit was nie, weet ons dat dit gevoel het asof Satan hom martel (12:7). Paulus het die Here gevra om hierdie doring weg te neem, maar die Here het nie.In plaas daarvan om sy lyding as ’n vloek te sien, het Paulus dit as &#039;n seën beskou. Hy het by God gehoor dat sy genade genoeg was. God se krag is die duidelikste in menslike swakheid. Wanneer ons sterk en onafhanklik is, is dit maklik om krediet vir onsself te neem. Wanneer ons van ons sterkpunte en trots gestroop word en gebroke voor God en ander staan, ervaar ons God se krag in ons lewens (1:9; 4:11; 11:30; 12:9-10).Soms is dit juis dié dinge wat ons aan ons swakheid herinner wat God se krag toelaat om deur te skyn. Eerder as om te smeek om dit te verwyder, laat dit die kanale word waardeur God sy krag openbaar.

Bybelse wysheid

Kommentaar

Republikein 2025-05-09

Meld asseblief aan om kommentaar te lewer

Bybelse wysheid

Kommentaar

Republikein 2025-05-09

Meld asseblief aan om kommentaar te lewer

MELD AAN

Advertensie