Bybelse wysheid

DR. ANNES NELHabakuk 1:2: “Hoe lank moet ek om hulp roep voordat U hoor, Here, moet ek by U bly kla oor geweld voordat U red?”Waar is God in my lyding? Christene glo dat Jesus die Here is en dat Hy in beheer is. Daarom verwag ons dat die wêreld ’n beter plek sal wees met minder lyding en swaarkry. In plaas daarvan sien ons voortdurende oorloë, geweld teen vroue en kinders en ander pynlike dinge.Die profeet spreek God openhartig aan oor die lyding van die mense. Hy sien dat daar geen reg en geregtigheid in die samelewing is nie. Bose mense is blykbaar in beheer (1:4). Sy klagtes eggo dié wat in sommige van die psalms gevind word (soos Psalms 13 en 73). Hy sukkel om te verstaan hoekom God al hierdie onreg sien, maar skynbaar niks daaraan doen nie (1:3). Dit voel asof God ver is. Hy antwoord nie. Hierdie profeet se eerlikheid moedig ons aan om ons gevoelens teenoor God uit te druk. Jesus het deur soortgelyke lyding gegaan. Hy het God gevra hoekom Hy hom aan die kruis verlaat het. Hy was die slagoffer van onreg. Jesus verstaan ons teleurstelling en pyn. Na sy hemelvaart praat Hy namens ons met God wanneer ons na God roep. Die Heilige Gees dra ons diepste gevoelens na God toe, selfs wanneer ons nie woorde het nie (Romeine 8:26).

Bybelse wysheid

Kommentaar

Republikein 2026-05-05

Meld asseblief aan om kommentaar te lewer

Bybelse wysheid

Kommentaar

Republikein 2026-05-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.