Bybelse wysheid

DR. ANNES NELJesaja 13:9: “Die dag van die Here het nou gekom...”Ons het goeie nuus nodig! Is die koms van die Here se dag ’n bedreiging of ’n troos? Die dag van die Here het twee duidelike betekenisse: Eerstens verteenwoordig dit die oordeel oor die nasies. Tweedens, bring dit redding, verlossing en genesing vir God se mense (Jesaja 14).Jesaja skryf oor hierdie oordeel. Dit begin met Babilon wat gestraf word. Hierdie oordeel word beskryf as wreed en vol woede (Jesaja 13:9). Babilon is ’n simbool van boosheid (Openbaring 17,18). Nasies sal soos ’n groot leër teen Babilon opstaan en sy kinders en toekoms wegneem. In Jesaja 13:17 gebruik God die Meders (en Perse) om Babilon te straf. Die straf is so swaar dat dit soos die vernietiging van Sodom en Gomorra is. Babilon sal na sy vernietiging verlate wees.Mens mag dalk voel dat hierdie hoofstuk ietwat uit plek is aangesien die Babiloniërs later prominent geword het. Die profeet Jesaja is egter seker dat God deur hierdie oordeel sy getrouheid aan sy volk sal toon.God verander nooit sy beloftes nie. God verseker die kerk van Jesus Christus deur Christus en sy Gees dat Hy reg sal laat geskied en ons sal red, al is die wêreld deurmekaar. Hy is steeds die Here. God se toekoms sal vry wees van boosheid en hardkoppigheid. God sal ons red van onderdrukking en lyding.

Bybelse wysheid

Kommentaar

Republikein 2025-06-17

Meld asseblief aan om kommentaar te lewer

Bybelse wysheid

Kommentaar

Republikein 2025-06-17

Meld asseblief aan om kommentaar te lewer

MELD AAN

Advertensie