Bybelse wysheid

DR. ANNES NELRomeine 8:23: “... ons wat die Gees ontvang het as die eerste gawe van God, ons sug ook.”Ons wat deur die Heilige Gees gelei word, het geen waarborg vir ’n probleemvrye lewe nie. Binne sommige Christelike kringe is oorwinning en sukses hooftemas. Die realiteit is anders: Christene ly en sug ook.In die Ou Testament het die idee om die eerstelinge te offer beteken dat die hele oes aan die Here behoort. Paulus verduidelik dat God die Heilige Gees as eersteling gee. Dit impliseer dat God se kinders die hele oes besit. Dis ’n toekomstige koninkryk sonder pyn, trane, dood, sonde of hartseer. In Romeine 8:18 verwys Paulus hierna as “heerlikheid”.Die ontvangs van die Gees maak ons ontevrede met enigiets wat teenstrydig met God se beloftes is. Die ervaring om deur die Gees aangeraak te word is soortgelyk aan wat iemand wat daaraan gewoond was om ’n luukse motor te bestuur en dan na ’n ou voertuig oorskakel. In ’n wêreld vol dood en slegte nuus, laat die Gees ons sug, na iets meer smag, want ons het ’n voorsmakie gehad van hoe die toekoms lyk.Die gawe van die Gees laat ons fokus op die hede en die toekoms. Ons besit die Heilige Gees en God se beloftes, maar dit is nog nie ten volle vervul nie. Daarom leef ons met hoop en verwagting!Here, ek sien uit na die dag wanneer U alle dinge sal nuut maak. Amen.

Bybelse wysheid

Kommentaar

Republikein 2025-07-07

Meld asseblief aan om kommentaar te lewer

Bybelse wysheid

Kommentaar

Republikein 2025-07-07

Meld asseblief aan om kommentaar te lewer

MELD AAN

Advertensie