Bybelse wysheid

DR. ANNES NELEfesiërs 1:13: “In Christus het die Heilige Gees wat deur God belowe is, julle as die eiendom van God beseël.”Efesiërs 1:13 bevat ’n trooswoord oor die Heilige Gees (sien ook Efesiërs 4:30 en 2 Korintiërs 1:21-23). In die antieke wêreld was ’n seël ’n teken van gesag en egtheid. Wanneer ’n koning of keiser sy seël op ’n dokument gedruk het, het dit aangedui dat die boodskap direk van hom af gekom en volle gesag gedra het.Net soos ’n koning of keiser ’n seëlring gebruik het om briewe of dokumente te seël, tree die Heilige Gees op as God se seël op gelowiges, wat ons identiteit as God se eiendom bevestig. Hierdie goddelike seël dui daarop dat ons deur God verkies en beskerm word. Dit dui aan dat ons aan Hom behoort. Dis ons status as sy kosbare besitting.Die Heilige Gees se teenwoordigheid in ons lewens verseker ons van ons posisie in God se familie. Dit is ’n tasbare herinnering aan ons verbintenis met Hom, ’n belofte van sy getrouheid en ’n waarborg van ons ewige erfporsie in Christus.Jy hoef nie met onsekerheid te leef oor God se toewyding aan jou nie. Met die Heilige Gees as ons seël kan ons rus in God se onfeilbare liefde en die sekerheid dat ons aan Hom behoort.Dankie, Heilige Gees, dat U waarborg dat ek vir altyd aan God behoort. Amen.

Bybelse wysheid

Kommentaar

Republikein 2025-05-01

Meld asseblief aan om kommentaar te lewer

Bybelse wysheid

Kommentaar

Republikein 2025-05-01

Meld asseblief aan om kommentaar te lewer

MELD AAN

Advertensie