Bybelse wysheid
DR. ANNES NEL
Kolossense 3:1: “Aangesien julle saam met Christus uit die dood opgewek is, moet julle strewe na die dinge daarbo waar Christus is, waar Hy aan die regterhand van God sit.”
Ons kan onsself nie red nie. God het dit deur sy genade gedoen. Daarom word ons bevry van buitengewone pogings om God te bereik. Hierdie bevryding stel ons in staat om tydens ons aardse lewe te fokus op dit wat werklik in God se oë saakmaak. Deur nuwe waardes en leefstyle beïnvloed ons die wêreld positief. Dit is waartoe Paulus ons aanspoor – om te streef na dinge daarbo, waar Christus bo alles verhewe is.
Die beeld van Christus wat aan God se regterhand sit, dui op sy oppergesag en soewereiniteit, ’n sentrale tema in Kolossense. Hierdie versekering van Christus se gesag bring vertroosting, veral in chaotiese en onsekere tye. Ons lewens word veilig in God se liefdevolle sorg gehou. Daarom kan ons sonder vrees die toekoms ingaan. Ons behoort aan Hom.
Hierdie versekering is die gevolg van Christus se offerdood en opstanding. Deur God se genade is ons deur geloof vir altyd met Hom verenig. Ons is nuut! Ons wag gretig om saam met Christus in die heerlikheid van God te deel. Christus het dit alles namens ons en in ons plek bereik.
Aangesien ons met die sekerheid leef dat Jesus die Here is, laat ons aardse lewens hemelse waardes weerspieël. Christus leef in ons! Hierdie transformasie is moontlik!
Kolossense 3:1: “Aangesien julle saam met Christus uit die dood opgewek is, moet julle strewe na die dinge daarbo waar Christus is, waar Hy aan die regterhand van God sit.”
Ons kan onsself nie red nie. God het dit deur sy genade gedoen. Daarom word ons bevry van buitengewone pogings om God te bereik. Hierdie bevryding stel ons in staat om tydens ons aardse lewe te fokus op dit wat werklik in God se oë saakmaak. Deur nuwe waardes en leefstyle beïnvloed ons die wêreld positief. Dit is waartoe Paulus ons aanspoor – om te streef na dinge daarbo, waar Christus bo alles verhewe is.
Die beeld van Christus wat aan God se regterhand sit, dui op sy oppergesag en soewereiniteit, ’n sentrale tema in Kolossense. Hierdie versekering van Christus se gesag bring vertroosting, veral in chaotiese en onsekere tye. Ons lewens word veilig in God se liefdevolle sorg gehou. Daarom kan ons sonder vrees die toekoms ingaan. Ons behoort aan Hom.
Hierdie versekering is die gevolg van Christus se offerdood en opstanding. Deur God se genade is ons deur geloof vir altyd met Hom verenig. Ons is nuut! Ons wag gretig om saam met Christus in die heerlikheid van God te deel. Christus het dit alles namens ons en in ons plek bereik.
Aangesien ons met die sekerheid leef dat Jesus die Here is, laat ons aardse lewens hemelse waardes weerspieël. Christus leef in ons! Hierdie transformasie is moontlik!
Kommentaar
Republikein
Geen kommentaar is op hierdie artikel gelaat nie