Bybelse wysheid
DR. ANNES NEL
Jesaja 62:5: “. . . soos ’n bruidegom bly is oor sy bruid, so sal jou God oor jou bly wees.”
God is nie letterlik ’n bruidegom nie en ons is nie letterlik sy bruid nie. Hierdie beelde dra eerder die aard van die verhouding tussen God en Sy mense oor. Die beeld van ’n bruid en bruidegom help ons om ons verbintenis met God te verstaan.
Sentraal in hierdie verhouding is sy genade. Hy skenk aan Israel ’n nuwe toekoms, ’n nuwe identiteit en onvoorwaardelike liefde, ten spyte van hulle tekortkominge. God kies en verlos hulle. Hy is totaal toegewyd aan sy mense.
In reaksie hierop word die mense aangemoedig om vas te hou aan God se beloftes, nie as ’n manier om Hom te manipuleer nie, maar as ’n bron van hoop en versekering.
Christus word uitgebeeld as die bruidegom wat Homself opofferend vir sy bruid, die kerk, gegee het (Efesiërs 5:25-27). Sy wederkoms bring vreugde in die hemel want ons het die genade ontvang het om sy bruid te wees (Openbaring 19:8).
As lid van die bruid van die Here deel jy aan die beloftes van God se komende nuwe werklikheid. Wees daarom dankbaar teenoor Jesus dat Hy jou by sy bruid ingesluit het. Jy het ’n spesiale plek in sy ewige hart. Hy het jou lief en het jou deur die bloed van sy Seun gekoop om Sy eiendom te wees.
Jesaja 62:5: “. . . soos ’n bruidegom bly is oor sy bruid, so sal jou God oor jou bly wees.”
God is nie letterlik ’n bruidegom nie en ons is nie letterlik sy bruid nie. Hierdie beelde dra eerder die aard van die verhouding tussen God en Sy mense oor. Die beeld van ’n bruid en bruidegom help ons om ons verbintenis met God te verstaan.
Sentraal in hierdie verhouding is sy genade. Hy skenk aan Israel ’n nuwe toekoms, ’n nuwe identiteit en onvoorwaardelike liefde, ten spyte van hulle tekortkominge. God kies en verlos hulle. Hy is totaal toegewyd aan sy mense.
In reaksie hierop word die mense aangemoedig om vas te hou aan God se beloftes, nie as ’n manier om Hom te manipuleer nie, maar as ’n bron van hoop en versekering.
Christus word uitgebeeld as die bruidegom wat Homself opofferend vir sy bruid, die kerk, gegee het (Efesiërs 5:25-27). Sy wederkoms bring vreugde in die hemel want ons het die genade ontvang het om sy bruid te wees (Openbaring 19:8).
As lid van die bruid van die Here deel jy aan die beloftes van God se komende nuwe werklikheid. Wees daarom dankbaar teenoor Jesus dat Hy jou by sy bruid ingesluit het. Jy het ’n spesiale plek in sy ewige hart. Hy het jou lief en het jou deur die bloed van sy Seun gekoop om Sy eiendom te wees.
Kommentaar
Republikein
Geen kommentaar is op hierdie artikel gelaat nie