Bybelse wysheid

DR. ANNES NELHos 13:14: “Moet Ek hom red uit die mag van die dood? Moet Ek hom verlos uit die doderyk? Kom met jou peste, dood! Kom met jou plae, doderyk!” Soms word gesê dat waarheid die hel is. Nee, die Here se waarheid bring bevryding. Die Here se waarheid is ’n nuwe begin vir sy mense.Hosea verkondig dat sonde tot dood en verwoesting lei. Ten spyte van die Here se herhaalde pleidooi vir die mense om na Hom terug te keer, het hulle op hulle sondige pad volhard. Hulle oortredings het opgehoop tot ’n punt waar oordeel onvermydelik was (14:1). God het die gesag om beproewings as ’n metode van regstelling te gebruik.Paulus bevestig dat God mense uit die mag van die dood verlos. Hy spot met die dood deur Hosea se woorde te gebruik (1 Kor 15:54-56). Hosea se mense is ter dood veroordeel vir hulle sonde, maar Christus se dood kanselleer daardie skuld vir alle gelowiges.God se oneindige liefde en genade het ons gered uit die kake van die dood wat ons sonde verdien. In Christus het Hy ons van sonde verlos en aan ons nuwe lewe gegee deur sy triomf oor die dood se mag. Ons kon nooit die straf vir ons sondes dra nie, maar Hy het. Vandag staan die opgestane Christus voor ons en bied ’n nuwe begin en lewe uit die dood.

Bybelse wysheid

Kommentaar

Republikein 2025-09-19

Meld asseblief aan om kommentaar te lewer

Bybelse wysheid

Kommentaar

Republikein 2025-09-19

Meld asseblief aan om kommentaar te lewer

MELD AAN

Advertensie