Bybelse wysheid

DR. ANNES NELEfesiërs 4:24: “. . . lewe as nuwe mense wat as die beeld van God geskep is: lewe volkome volgens die wil van God en wees heilig.”Die Suid-Afrikaanse teoloog, wyle Flip Theron, het geskryf ons is vasgevang in die tronksel van ons eie vel. Wat hy bedoel het, is mense wat Christus nie ken nie, is gevangenes van hulle eie begeertes. Ons het vryheid nodig. Wanneer ons daardie tronk deur God se genade verlaat, het ons ’n nuwe beeld en identiteit nodig.Paulus gebruik ’n beeld in die oorspronklike taal van iets wat ons elke dag doen. Ons trek onsself aan. Ek dink die meeste van ons hou daarvan om goed aan te trek as ons dit kan bekostig. Paulus sê ons moet klere aantrek wat sal weerspieël wie ons in Christus is. Elke dag, soos nou, is God besig om ons te vorm volgens sy beeld (4:23,24). Christene is herskep om die beeld van God te weerspieël. Die klere wat ons nou dra weerspieël God se wil en heiligheid.Christene is nie volmaak nie. Ons dra soms steeds ons tronkklere deur wat ons doen en dink and praat. Daarom is dit ’n daaglikse proses, net soos om elke dag uit te trek en aan te trek – om die vuil klere uit te trek en die nuwes aan te trek. Op hierdie oomblik is God besig met ’n voortdurende vernuwingsproses in ons lewens. Hy roep ons om aan te trek volgens hierdie nuwe beeld!Vader, ek dra myself vandag opnuut aan U toe. Verander my deur u Gees. Amen.

Bybelse wysheid

Kommentaar

Republikein 2025-12-23

Meld asseblief aan om kommentaar te lewer

Bybelse wysheid

Kommentaar

Republikein 2025-12-23

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.