Bybelse wysheid
DR. ANNES NEL
Ef 2:8,9: “Julle is inderdaad uit genade gered. . . dit is ’n gawe van God. . . daarom het niemand enige rede om op homself trots te wees nie.”
JI Packer skryf God het gewys hoe groot sy genade is deur arm en onbeduidende mense vir die ewige lewe te kies. Tog aanvaar so baie mense nie hierdie liefde nie. CS Lewis het opgemerk hoewel ons grootste behoefte is dat God en ander ons onvoorwaardelik liefhet, ons dit nie regtig wil hê nie. Ons wil liefde hê omdat ons slim, mooi, vrygewig, regverdig en nuttig is.
God se liefde werk nie so nie. Sy liefde is altyd genade. Wanneer ons dink ons verdien dit die minste, stort God dit oorvloedig oor ons uit.
God se genade is ’n geskenk. Ontvang dit! Wanneer ons dit ontvang, sal ons, soos Frederick Ward Kates opgemerk het, ontdek dat die doel van geloof nie is om ons in die hemel te kry nie, maar sodat iets van die hemel in ons gevestig sal word.
Here, dankie vir u oorvloedige genade. Ek aanvaar dit vandag weer, in Jesus se Naam.
Ef 2:8,9: “Julle is inderdaad uit genade gered. . . dit is ’n gawe van God. . . daarom het niemand enige rede om op homself trots te wees nie.”
JI Packer skryf God het gewys hoe groot sy genade is deur arm en onbeduidende mense vir die ewige lewe te kies. Tog aanvaar so baie mense nie hierdie liefde nie. CS Lewis het opgemerk hoewel ons grootste behoefte is dat God en ander ons onvoorwaardelik liefhet, ons dit nie regtig wil hê nie. Ons wil liefde hê omdat ons slim, mooi, vrygewig, regverdig en nuttig is.
God se liefde werk nie so nie. Sy liefde is altyd genade. Wanneer ons dink ons verdien dit die minste, stort God dit oorvloedig oor ons uit.
God se genade is ’n geskenk. Ontvang dit! Wanneer ons dit ontvang, sal ons, soos Frederick Ward Kates opgemerk het, ontdek dat die doel van geloof nie is om ons in die hemel te kry nie, maar sodat iets van die hemel in ons gevestig sal word.
Here, dankie vir u oorvloedige genade. Ek aanvaar dit vandag weer, in Jesus se Naam.
Kommentaar
Republikein
Geen kommentaar is op hierdie artikel gelaat nie