Bybelse wysheid

DR. ANNES NELRom 8:35: “Wie kan ons van die liefde van Christus skei? Lyding of benoudheid of vervolging, honger of naaktheid, gevaar of swaard?” Die wêreld is vol pyn, armoede, verwerping en lyding. Ons wonder soms waar God in dit alles is, veral wanneer ons persoonlik ly. Paulus maak ’n lys van die dinge wat ons soms laat voel dat God nie omgee nie (8:35,38,39). Soms ervaar ons dat God ’n toeskouer is wat sekere slegte dinge in ons lewe toelaat.Hierdie taal is vreemd aan die God wat Homself in Jesus geopenbaar het. Selfs in die Ou Testament word God soms voorgestel as die een wat saam met ons ly (Jes 63:9; Ps 116:15). Die Nuwe Testament beskryf hierdie God as die Een wat nie op ’n afstand kon staan nie. Christus het een van ons geword. BH Streeter sê dat ons belydenis dat Christus die beeld van die onsigbare God is, beteken dat God nie op ’n afstand staan nie. Hy laat nie toe dat ons ly nie. Hy ly saam met ons.Dit is so vertroostend, want ons is nooit alleen in ons lyding nie. Hy stap die hele pad saam met ons, want Hy het self daardeur gegaan. Dan maak Hy ons meer as oorwinnaars te midde van moeilike omstandighede, want trek nooit sy liefde vir ons terug nie (8:37).

Bybelse wysheid

Kommentaar

Republikein 2025-11-05

Meld asseblief aan om kommentaar te lewer

Bybelse wysheid

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.