Bybelse wysheid

DR. ANNES NELTit 2:11: “. . . terwyl ons uitsien na die gelukkige dag wat ons verwag. Op daardie dag sal die heerlikheid van ons grote God en Verlosser, Jesus Christus, verskyn.” In die gewilde TV reeks, Prison break, sê ’n voortvlugtende aan ’n ou man dat hy nie van iets af weghardloop nie, maar na iets toe hardloop. Hy sê dan dat hy hoop om dit te kry wanneer hy sy bestemming bereik. Die ou man antwoord dan: “Hoop is vir hulle wat nie reeds uit genade lewe nie.”Die ou man is reg en verkeerd. Daar is valse hoop wat ons verblind sodat ons waarheid en geluk in ons huidige situasie soek. Dan leef ons nie uit genade nie, maar kyk na ons omstandighede en die beloftes wat dit inhou. Hy is verkeerd oor die genade. Genade laat ons juis hoop! Ons bou nie ons lewe op die “miskien” van die toekoms nie. Christelike hoop staan vas omdat Christus verskyn het en weer sal verskyn (Tit 2:11,13). William Osler skryf dat ons na die hemel kan kyk as ons wil, maar nie na die horison nie. Dis gevaarlik. Waarheid is nie daar nie. Sekerheid is nie daar nie, maar valse sekerhede, die bedrog, die valse genesing, die ignes fatui (valse bakens) wat elke geslag mislei het. Ons kyk eerder na die hemel en verwag ons Heer! Daarna sien ons uit! Dit is seker! Here, ek bou op die fondament van u beloftes, in Jesus se Naam. Amen.

Bybelse wysheid

Kommentaar

Republikein 2026-02-20

Meld asseblief aan om kommentaar te lewer

Bybelse wysheid

Kommentaar

Republikein 2026-02-20

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.