Bybelse wysheid
DR. ANNES NEL
Ps 124:6: “Aan die Here kom die lof toe: Hy het nie toegelaat dat ons hulle prooi word nie.”
Daar is nooit ’n tekort aan gevare op die reis van ons lewens nie. Die pelgrims in hierdie Psalm beskryf hulle gevare met verskillende beelde. Wat presies hierdie monsteragtige gevare was, weet ons nie. Water was ’n simbool van die magte van chaos. Die aanvalle deur mense was deel van hierdie chaotiese omstandighede. Die vryheid wat die Here gebring het, was soos om uit die tronk vrygelaat te word, soos die vryheid wat ’n voël ervaar wat gevang en dan vrygelaat word.
Hierdie psalm gee my die voorreg om jou van God se hulp te verseker. Die Here is baie naby aan jou. Wanneer jy uit die mond van God se volk op reis hoor dat God hulle wonderlik verlos het, mag jy ook daarop reken. Soos hulle kan ons reeds ’n loflied sing, want ons God is nie vergeetagtig nie. Deur Jesus het ons ’n nog groter versekering dat ons verlos is van die bose, sonde en die dood! Dit is nou die tyd om God te loof.
* Rubrieke, meningstukke, briewe en SMS’e deur lesers en meningvormers weerspieël nie noodwendig die siening van Republikein of Namibia Media Holdings (NMH) nie. As mediahuis onderskryf NMH die etiese kode vir Namibiese media, soos toegepas deur die Media-ombudsman.
Ps 124:6: “Aan die Here kom die lof toe: Hy het nie toegelaat dat ons hulle prooi word nie.”
Daar is nooit ’n tekort aan gevare op die reis van ons lewens nie. Die pelgrims in hierdie Psalm beskryf hulle gevare met verskillende beelde. Wat presies hierdie monsteragtige gevare was, weet ons nie. Water was ’n simbool van die magte van chaos. Die aanvalle deur mense was deel van hierdie chaotiese omstandighede. Die vryheid wat die Here gebring het, was soos om uit die tronk vrygelaat te word, soos die vryheid wat ’n voël ervaar wat gevang en dan vrygelaat word.
Hierdie psalm gee my die voorreg om jou van God se hulp te verseker. Die Here is baie naby aan jou. Wanneer jy uit die mond van God se volk op reis hoor dat God hulle wonderlik verlos het, mag jy ook daarop reken. Soos hulle kan ons reeds ’n loflied sing, want ons God is nie vergeetagtig nie. Deur Jesus het ons ’n nog groter versekering dat ons verlos is van die bose, sonde en die dood! Dit is nou die tyd om God te loof.
* Rubrieke, meningstukke, briewe en SMS’e deur lesers en meningvormers weerspieël nie noodwendig die siening van Republikein of Namibia Media Holdings (NMH) nie. As mediahuis onderskryf NMH die etiese kode vir Namibiese media, soos toegepas deur die Media-ombudsman.
Kommentaar
Republikein
Geen kommentaar is op hierdie artikel gelaat nie