Bybelse wysheid

DR. ANNES NELPsalm 139:13: “U het my gevorm, my aanmekaargeweef in die skoot van my moeder.”Horace Walpole het gesê dat mense dikwels baie groter dinge kan doen as wat hulle dink hulle kan hanteer. Ons word die wêreld ingestuur met ’n groot kredietsaldo, maar gebruik dit nie gereeld nie.Wat is hierdie kredietsaldo? As ek Ps 139 lees, wil ek altyd op my knieë val en God aanbid. Die Psalm sê dat God ons ken en dat Hy altyd by ons is. Hoekom? Die antwoord is eenvoudig: hy was daar toe ek geskep is. Hy het my in my ma se baarmoeder gevorm. Hy is liefdevol betrokke by my lewe (139:13-16). Hy is betrokke by my herkoms en toekoms (139:16). Al my dae, my hele lewe, is in sy hande (139:16). Hy is soos iemand wat my in sy liefde omvou (139:5). Dis hoekom hy my ken, saam met my stap en my liefhet?Ongelukkig dink ons dat ander dinge ons lewens definieer. Henri Nouwen skryf dat die groot versoeking is om die oënskynlike mislukkings en teleurstellings in ons lewens te gebruik om onsself te oortuig dat ons nie die moeite werd is om liefde te ontvang nie.Wat dink jy van jouself? Nathaniel Branden het gesê dat selfbeeld die reputasie is wat ons in onsself opbou. Word jou selfbeeld bepaal deur jou negatiewe selfspraak of deur die stem van God wat jy vandag hoor? Jou kredietbalans is dit: Jy is geliefd. Jy is God se eie besitting! Hy sal jou altyd liefhê!

Bybelse wysheid

Kommentaar

Republikein 2025-06-18

Meld asseblief aan om kommentaar te lewer

Bybelse wysheid

Kommentaar

Republikein 2025-06-18

Meld asseblief aan om kommentaar te lewer

MELD AAN

Advertensie