Bybelse wysheid

Ef. 4:32: "... vergewe mekaar, soos God julle ook in Christus vergewe het."Ons gaan soms na ’n begraafplaas toe omdat ons ’n geliefde wil onthou. Ons neem blomme of plant iets om te wys dat ons die persoon liefhet. Elke besoek aan die graf van so iemand maak ons bewus van een feit: die verlede is die verlede. Niks kan dit verander nie.Dood is dood. Niks kan die verlede verander nie. Selfs die mees liefdevolle persoon het foute gemaak en gesondig. Tog, hoe wens ons dat ons net weer een uur saam met ons geliefde kon deurbring.Die dood is onomkeerbaar. Dieselfde geld vir ons sonde.Tog is iets anders ook onomkeerbaar. God se vergifnis. Ons sondes is ná Golgota in die graf begrawe. Toe Jesus die dood ingegaan het, het Hy ons sonde saam met Hom geneem. Die verlede is uitgewis. Ons sondes is begrawe.Beecher het gesê ons moet ’n lekker groot begraafplaas in ons agterplaas maak waar ons die foute van ons vriende kan begrawe. Wanneer die stempel van die evangelie van Jesus Christus in ons lewens afgedruk word, doen ons dit, want ons sondes is begrawe.Ons kan besluit om onsself aan die verlede vas te ketting. Ons kan besluit om bitter te wees. Ons kan haat. Ons is egter die enigste gevangenes in hierdie uitputtende oefening.Ons kan ook besluit om verlos te word. Wie se sonde gaan jy vandag finaal begrawe?

Bybelse wysheid

Kommentaar

Republikein 2025-05-16

Meld asseblief aan om kommentaar te lewer

Bybelse wysheid

Kommentaar

Republikein 2025-05-16

Meld asseblief aan om kommentaar te lewer

MELD AAN

Advertensie