Bybelse wysheid

Lukas 10:36: "Wie van hierdie drie is volgens jou die naaste van hom wat onder die rowers verval het?"Wie is my naaste? Is dit die persoon wat langs my woon? Sommige bure is nie die aangenaamste mense nie.Hierdie vraag behels egter meer as my buurman. Dit sluit hulle natuurlik ook in.Die vraag wat aan Jesus gestel is, was ’n poging om grense te trek. Ons doen dit wanneer ons ons naaste probeer definieer. As die wetgeleerde ’n eenvoudige definisie van sy naaste kon kry, sou dit maklik gewees het.Jesus breek deur ons beperkte denke oor ons naaste. Die vraag is nie wie my naaste is nie. Die groot vraag is dit: Is jy bereid om ’n naaste te wees vir mense in nood?Shakespeare vat dit ’n bietjie verder, soos in hierdie gelykenis: Dit is nie genoeg om die hulpeloses te help nie. Jy moet hulle daarna ook ondersteun.Die gelykenis van die barmhartige samaritaan beklemtoon ons traagheid om betrokke te raak waar dit nodig is. Ons vind altyd ’n rede waarom mense in nood dalk nie gehelp moet word nie. Die man het sy eie gemors veroorsaak. Hy moet self daaruit kom. Hy moes geweet het die pad is gevaarlik en vol rowers. Ons het ons eie mense waarvoor ons moet sorg. Ons begroting maak nie daarvoor voorsiening nie.En dan stap ons verby dié in nood, want dit pas nie in ons definisie van ’n naaste nie.Christene is naastes. Wees vandag een.

Bybelse wysheid

Kommentaar

Republikein 2025-05-15

Meld asseblief aan om kommentaar te lewer

Bybelse wysheid

Kommentaar

Republikein 2025-05-15

Meld asseblief aan om kommentaar te lewer

MELD AAN

Advertensie