Bybelse wysheid
DR. ANNES NEL:
Ps. 73:23,26: "Tog was ek nog altyd by U, want U vat my aan die hand. Al is ek afgetakel na liggaam en gees, God is my sterkte; aan Hom behoort ek vir altyd."
Om op ’n oop pad te bestuur, is nie so moeilik nie. Ek moet gereeld oorsee bestuur, waar ons aan die anderkant van die pad ry. Dit is uitdagend!
Ons sien eers regtig of ons goed kan bestuur as dit nie ’n oop pad is nie. Wanneer alles verander of wanneer daar swaar weer en verkeer is, word ons bestuursvaardighede getoets.
Daar is ’n gesegde van iewers in Afrika wat so lui: Kalm see leer mens nie om ’n goeie matroos te wees nie.
Net so is dit maklik om te glo wanneer daar geen storms is nie, wanneer die lewe maklik is en omstandighede gunstig is. Wanneer die lewe se draaie en storms opduik, word dit moeiliker. Om vas te hou aan die Here wanneer jy geen voorspoed, geen inkomste, geen goeie vooruitsigte het nie; siek is, toets ons geloof.
Die digter van Psalm 73 worstel met die feit dat hy geglo het en tog swaar gekry het. Dit het ’n krisis in sy reis saam met God gebring. Toe het hy ’n nuwe insig gekry. God het Hom nooit in sy moeilike tye verlaat nie. God was altyd daar en sal altyd daar wees. Hy het sy hand vasgehou.
Deur dik en dun sal die Here jou nooit verlaat nie. Hou vas aan Hom.
Ps. 73:23,26: "Tog was ek nog altyd by U, want U vat my aan die hand. Al is ek afgetakel na liggaam en gees, God is my sterkte; aan Hom behoort ek vir altyd."
Om op ’n oop pad te bestuur, is nie so moeilik nie. Ek moet gereeld oorsee bestuur, waar ons aan die anderkant van die pad ry. Dit is uitdagend!
Ons sien eers regtig of ons goed kan bestuur as dit nie ’n oop pad is nie. Wanneer alles verander of wanneer daar swaar weer en verkeer is, word ons bestuursvaardighede getoets.
Daar is ’n gesegde van iewers in Afrika wat so lui: Kalm see leer mens nie om ’n goeie matroos te wees nie.
Net so is dit maklik om te glo wanneer daar geen storms is nie, wanneer die lewe maklik is en omstandighede gunstig is. Wanneer die lewe se draaie en storms opduik, word dit moeiliker. Om vas te hou aan die Here wanneer jy geen voorspoed, geen inkomste, geen goeie vooruitsigte het nie; siek is, toets ons geloof.
Die digter van Psalm 73 worstel met die feit dat hy geglo het en tog swaar gekry het. Dit het ’n krisis in sy reis saam met God gebring. Toe het hy ’n nuwe insig gekry. God het Hom nooit in sy moeilike tye verlaat nie. God was altyd daar en sal altyd daar wees. Hy het sy hand vasgehou.
Deur dik en dun sal die Here jou nooit verlaat nie. Hou vas aan Hom.
Kommentaar
Republikein
Geen kommentaar is op hierdie artikel gelaat nie