BYBELSE WYSHEID

Openbaring 3:5: Elkeen wat die oorwinning behaal, sal sulke wit klere dra. Ek sal nooit sy naam uit die boek van die lewe uithaal nie, en Ek sal voor my Vader en voor sy engele verklaar dat hy aan My behoort.Jesus gee vir ons ’n belofte én ’n waarskuwing. Die belofte is dat dié wat aan Hom getrou bly, wit klere sal dra. Dit beteken dat hulle deur God aanvaar word en dat Jesus voor sy Vader en die engele sal bevestig dat hulle aan Hom behoort. Hulle is burgers van sy koninkryk, en hulle name is in die boek van die lewe opgeteken (sien ook Eksodus 32:32–33; Psalm 69:29).John Stott verwoord die waarskuwing treffend: “Jou naam kan in die kerk se register wees sonder dat dit in God se register is.” Om op die kerk se lidmaatregister te wees, beteken nie noodwendig dat ons werklik aan Christus behoort nie. Ons kan gedoop wees, kerk toe gaan en ’n goeie naam hê, maar tog nie ’n lewende geloof in Jesus hê nie.Kom ons vertrou op Jesus, staan vas in ons geloof en bely sy Naam, selfs wanneer dit moeilik is. Die belangrikste is nie hoe ander mense ons sien en of hulle ons naam ken nie, maar of Jesus ons as sy eie erken.Here Jesus, help my om elke dag getrou aan U te leef en te wys dat ek werklik aan U behoort. Amen.

BYBELSE WYSHEID

Kommentaar

Republikein 2026-11-11

Meld asseblief aan om kommentaar te lewer

BYBELSE WYSHEID

Kommentaar

Republikein 2026-11-11

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.