Bybelse wysheid

DR. ANNES NELOpenbaring 2:2: “Julle het ondersoek ingestel na die mense wat voorgee dat hulle apostels is, en dit nie is nie, en gevind dat hulle leuenaars is.”Die gemeente in Efese was bekend vir hul harde werk, geduld en sterk geloof. Hulle het vals leraars herken en geweier om leringe te aanvaar wat God se waarheid ondermyn. Paulus het die gemeenteleiers gewaarsku dat vals leraars sou kom om gelowiges van die waarheid af weg te lei (Handelinge 20:29-30).Die Christene in Efese het hierdie waarskuwing ernstig opgeneem. Selfs toe hulle swaargekry het, verwerp is en probleme beleef het omdat hulle aan die waarheid vasgehou het, het hulle aangehou om die Here te dien. Hulle leer ons om nie sommer alles te glo wat goed klink of gewild is nie. Ons moet alles wat ons hoor, aan God se Woord toets. Ons moet dit egter altyd met liefde en nederigheid doen. Ons moenie dink dat ons beter as ander is of mense onvriendelik behandel nie.Die gemeente in Efese het na ’n goeie gemeente gelyk, maar Jesus het hulle gewaarsku om hulle te bekeer en Hom weer met dieselfde liefde as aan die begin lief te hê (2:4). Om die waarheid te ken, is nie genoeg nie. Ons moet Jesus bo alles liefhê. Kom ons bly getrou aan God se Woord, verwerp die kwaad en hou ons liefde vir Jesus lewend.Here Jesus, help my om U bo alles lief te hê. Amen.

Bybelse wysheid

Kommentaar

Republikein 2026-11-02

Meld asseblief aan om kommentaar te lewer

Bybelse wysheid

Kommentaar

Republikein 2026-11-02

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.