Bybelse wysheid

DR. ANNES NELOpenbaring 2:2: “Ek weet alles wat julle doen. Ek ken julle onvermoeide arbeid en julle volharding.”Baie mense droom daarvoor om in ’n spesifieke stad te woon, soos Kaapstad, Londen of Rome. In Bybelse tye was Efese een van daardie stede. Dit was ’n ryk, bekende, welvarende en pragtige stad.Die gemeente in Efese was ook besonders. Die gelowiges het hard gewerk, Jesus getrou gedien en vasgestaan in hulle geloof. Hulle het nie die kwaad aanvaar nie en het noukeurig ondersoek ingestel na mense wat verkeerde dinge oor God geleer het. Sommige gelowiges is verwerp en gekritiseer en hulle het swaargekry omdat hulle Jesus gevolg het. Tog het hulle nie moed opgegee nie. Hulle het vasgestaan by dit wat reg is, selfs wanneer ander mense nie met hulle saamgestem het nie. Hulle het die woorde van William Penn uitgeleef: “Wat reg is, bly reg, selfs al is almal daarteen; en wat verkeerd is, bly verkeerd, selfs al stem almal daarmee saam.”Om mense lief te hê, beteken nie dat ons alles wat hulle doen, hoef goed te keur nie. Ons kan mense liefhê en steeds eerlik wees oor wat reg en verkeerd is. Dit help egter nie om die regte dinge te glo en goeie dinge te doen as ons liefde vir Jesus begin afneem nie. Om Hom getrou te dien, beteken bowenal dat ons harte naby aan Hom moet bly.Here Jesus, hou my naby aan U. Amen.

Bybelse wysheid

Kommentaar

Republikein 2026-10-30

Meld asseblief aan om kommentaar te lewer

Bybelse wysheid

Kommentaar

Republikein 2026-10-30

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.