Bybelse wysheid

DR. ANNES NELOpenbaring 2:13: “Ek ken die plek waar julle bly, daar waar die troon van die Satan is. Tog bly julle aan my Naam getrou.”Pergamum was ’n belangrike sentrum van keiseraanbidding en heidense godsdiens. Tempels was oral in die stad, onder andere dié van Zeus, Dionisius en Asklepius. Die groot altaar van Zeus Sōtēr, wat “Verlosser” beteken, het prominent op die Akropolis gestaan. Asklepius, met ’n slang as simbool, is ook daar vereer. Mense het na die bekende mediese sentrum gekom in die hoop om genees te word. Jesus beskryf Pergamum egter as die plek “waar die Satan sy troon het”.Michael Wilcock sê Pergamum het mense “a viable life-structure outside the kingdom of God” gebied. Met ander woorde, mense kon ’n goeie en suksesvolle lewe bou – sonder God.Jy kon inpas, vooruitgaan en die lewe geniet terwyl jy die Here verwerp. Die wêreld het skynbaar alles gebied, solank jy bereid was om jou geloof prys te gee.Vir Christene was die druk groot. Hulle is deur Romeinse gesag en godsdienstige verwagtings omring. Hulle moes die keiser as Here erken, eerder as om te bely dat Jesus die Here is. Pergamum wys vir ons hoe maklik ’n samelewing ’n alternatief vir God kan bied. Ons leef in ’n wêreld wat ’n volledige lewe sonder God aanbied. Die vraag is nie of ons kan inpas nie, maar of ons getrou aan Jesus sal bly. Waar staan jy?Here Jesus, gee my die moed om getrou aan U Naam te bly. Amen.

Bybelse wysheid

Kommentaar

Republikein 2026-10-22

Meld asseblief aan om kommentaar te lewer

Bybelse wysheid

Kommentaar

Republikein 2026-10-22

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.