Bybelse wysheid

DR. ANNES NELOpenbaring 2:13: “Ek ken die plek waar julle bly, daar waar die troon van die Satan is. Tog bly julle aan my Naam getrou.”Pergamum was die hoofstad van die provinsie Asië. Die stad het alles gebied wat ’n mens vir jou verstand, liggaam en gees kon begeer. Daar was markte, ’n gimnasium, ’n teater en ’n biblioteek. Dit was ’n sentrum van opvoeding – indrukwekkend, welvarend en gerespekteer. Dit was die gevaar vir die Christene. Dit het ’n gemaklike lewe sonder God gebied. Die druk was nie altyd openlike vervolging nie. Dit was eerder die versoeking om soos almal rondom hulle te wees en in te pas. Jesus het geweet waarmee die gelowiges geworstel het. Tog het Hy hulle geprys omdat hulle aan sy Naam vasgehou het. Ons leef in ’n wêreld wat sukses, veiligheid en geluk sonder God aanbied. Ons kan ons geloof aanpas sodat ander ons aanvaar. Jesus roep ons egter om getrou te bly. Ons hoef nie skaam te wees omdat ons anders is nie. Ons behoort aan Christus, selfs wanneer dit ons gemak, gewildheid of goedkeuring kos. Dit kan moeilik wees, maar ons moet elke dag getrou bly.John Neville Figgis het geskryf: “Veragting en haat, verskil en verdeeldheid, sal meer as ooit tevore ons lot wees as ons in hierdie dae volgelinge van Christus wil wees. Konvensionele godsdiens en beleefde ongeloof is vir altyd verby.”Here Jesus, help my om getrou aan U te bly wanneer die wêreld my druk om my geloof prys te gee. Amen.

Bybelse wysheid

Kommentaar

Republikein 2026-10-22

Meld asseblief aan om kommentaar te lewer

Bybelse wysheid

Kommentaar

Republikein 2026-10-22

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.