Bybelse wysheid

DR. ANNES NELOpenbaring 2:29: “Elkeen wat kan hoor, moet luister na wat die Gees vir die gemeentes sê.”Jesus belowe geregtigheid sal uiteindelik seëvier. Die kwaad kan vir ’n tyd sterk lyk, maar dit sal nie die laaste woord hê nie. Christus sal alles wat verkeerd is, oordeel en regmaak. Die beeld van kleipotte wat stukkend geslaan word, herinner ons daaraan dat God mag het oor die kwaad en oor almal wat Hom teenstaan (2:27). Tog is Hy ook soos ’n pottebakker wat kan vorm, herstel en nuut maak. Sy koninkryk van geregtigheid sal vir altyd bly staan.Jesus belowe ook: “Daarby sal Ek vir elkeen wat die oorwinning behaal, die môrester gee” (2:28). Die môrester verskyn voordat die son opkom. ’n Nuwe dag breek aan. Jesus is die Môrester. Hy is die beloofde Messias, die Seun van Dawid en die vervulling van God se beloftes. Om die Môrester te ontvang, beteken om Christus self te ontvang. Daar is geen groter geskenk as om aan Hom te behoort nie.Hou vas aan Christus. Ons hoef nie elders te soek na wat Hy alleen kan gee nie. Sy evangelie is genoeg. Sy genade is genoeg. Sy Woord is genoeg. Wanneer die lewe moeilik is, vertrou Hom. Getrouheid is nie altyd maklik nie, maar dit is nooit vergeefs nie. Hou aan luister, volhard en getrou bly totdat Jesus kom.Here Jesus, help my om tot die einde getrou aan U te bly. Amen.

Bybelse wysheid

Kommentaar

Republikein 2026-10-20

Meld asseblief aan om kommentaar te lewer

Bybelse wysheid

Kommentaar

Republikein 2026-10-20

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.