Bybelse wysheid

DR. ANNES NELOpenbaring 2:21: “Ek het haar kans gegee om haar te bekeer, maar sy wil haar nie van haar onsedelikheid bekeer nie.”God se optrede teenoor Isebel wys sy geduld en regverdigheid. Voordat die oordeel kom, gee Hy mense tyd om hulle te bekeer. Hy waarsku ons omdat Hy wil hê dat ons na Hom toe moet terugdraai. Sy geduld beteken nie dat Hy sonde goedkeur nie. Wanneer ons weier om te verander, het ons keuses gevolge. Jesus sien wat binne-in ons aangaan. Hy ken ons vrese, begeertes, stryd en dinge wat ons wegsteek. Niks is vir Hom verborge nie. Tog is dit ’n troos: Die Een wat ons ken, roep ons liefdevol terug. Soms laat God ons die gevolge van ons keuses ervaar. Hy kan ons toelaat om ons eie pad te volg, sodat ons kan sien waarheen dit lei. Sy doel is nie om ons te vernietig nie, maar om ons terug te bring.Ons lewens word gevorm deur wat ons dink en veral deur wat ons liefhet. Wat ons begeer, beïnvloed ons keuses. As ons verkeerde dinge liefhet, sal ons lewens die verkeerde rigting inslaan. Om Jesus te volg, gaan oor meer as gedrag. Ons het Christus nodig om ons denke te vernuwe en die Heilige Gees om ons begeertes te verander. Vra die Here om vir jou te wys wat jy bo Hom liefhet. Gee dit aan Hom oor.

Bybelse wysheid

Kommentaar

Republikein 2026-10-15

Meld asseblief aan om kommentaar te lewer

Bybelse wysheid

Kommentaar

Republikein 2026-10-15

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.