Bybelse wysheid

DR. ANNES NEL2 Konings 6:16: “Moenie bang wees nie, dié wat by ons is, is meer as wat hulle is.”Helmut Thielicke was ’n Duitse predikant tydens die Tweede Wêreldoorlog. Baie in sy gemeente was soldate. Hy het vir hulle gepreek “soos ’n sterwende mens vir sterwende mense”. Sy boodskap was nie dat hulle hul lyding moes ignoreer nie, maar dat geloof ons help om beter te sien.Thielicke vertel van ’n soldaat wat blomme wou pluk. Toe hy afbuk, ontdek hy die halfverrotte liggaam van ’n medesoldaat onder die bos. Die kontras was skokkend. Die blomme was vol lewe, maar die dood het daaronder gelê. Thielicke skryf dit herinner ons daaraan dat die dood ’n indringer is.Elisa se dienaar het in 2 Konings 6 die vyand rondom hulle gesien en gedink hulle is vasgekeer. Elisa het egter geweet daar is ’n groter werklikheid. Hy het gebid dat sy dienaar se oë oopgemaak word. Toe sien hy die hemelse leër wat rondom hulle was.Geloof beteken nie dat ons ons oë vir probleme sluit nie. Ons bid eerder dat God ons sal help om beter te sien. Ja, die finansiële druk, siekte, teleurstelling, hartseer en gebroke verhoudings is daar, maar ons sien ook God is by ons.Jesus het ons gebroke wêreld binnegekom, die dood oorwin en vir ons hoop gegee. God is ook vandag teenwoordig.Here, maak my oë oop om U teenwoordigheid te sien en U te vertrou wanneer ek nie die pad vorentoe kan sien nie. Amen.

Bybelse wysheid

Kommentaar

Republikein 2026-09-24

Meld asseblief aan om kommentaar te lewer

Bybelse wysheid

Kommentaar

Republikein 2026-09-24

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.