Bybelse wysheid

DR. ANNES NEL1 Tessalonisense 4:14: “Ons glo immers dat Jesus gesterwe, maar ook opgestaan het. Net so glo ons ook dat God saam met Jesus die ontslapenes wat in Hom geglo het, na Hom toe sal neem.”Die verhaal van die seun wat in 2 Konings 4 weer lewend geword het, wys vir ons wie God is.Eerstens, God hoor ons hulpkrete. Die Sunemmitiese vrou was desperaat toe haar seun sterf. Tog het sy nie moed opgegee nie. Sy het geglo dat God steeds kon help. God het haar hartseer raakgesien. Hy het haar gehelp. Ons pyn, vrae en hartseer maak vir Hom saak.Tweedens, God het mag oor die dood. Die dood is ons grootste vyand, maar dit is nie sterker as God nie. Die Here het die seun opgewek. In Jesus se bediening het Hy ook die seun van ’n weduwee in Nain uit die dood opgewek. Nog belangriker, Jesus het self uit die dood opgestaan. Hy is die Here van die lewe. Omdat Hy leef, het die dood nie die laaste woord vir mense wat in Hom glo nie.Derdens, ons moet Christus se hoop deel. Mense wat swaarkry, het meer nodig as vinnige antwoorde. Hulle het iemand nodig wat by hulle sal wees, sal luister, saam met hulle sal bid en hulle aan die hoop in Christus sal herinner. Waar daar hoop is, is daar lewe. Wees vandag ’n draer van daardie hoop.Here Jesus, help my om naby mense te wees wat dit nodig het. Amen.

Bybelse wysheid

Kommentaar

Republikein 2026-09-17

Meld asseblief aan om kommentaar te lewer

Bybelse wysheid

Kommentaar

Republikein 2026-09-17

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.