Bybelse wysheid

DR. ANNES NEL2 Konings 4:33: “Hy het ingegaan, die deur agter hulle twee gesluit en tot die Here gebid.”Die vrou van Sunem was welgesteld en het ’n gemaklike huis gehad, maar sy het ’n diep hartseer gedra: sy was kinderloos. Toe Elisa belowe dat sy ’n seun sou hê, was dit vir haar moeilik om dit te glo. Sy was al voorheen teleurgestel. Tog het God haar seun aan haar gegee.Toe slaan ’n tragedie toe. Haar jong seun het siek geword en in haar arms gesterf. Alles waarop sy gehoop het, het verlore gelyk. Sy het egter nie moed opgegee nie. Sy het na Elisa gegaan en geweier om sonder hom terug te keer. Elisa het nie op sy eie krag vertrou nie. Hy vertrou op die Here. Sy gebed is verhoor en die seun het weer lewend geword.God is groter as ons grootste verlies, ons diepste pyn en selfs die dood. Elisa kon nie self lewe gee nie. Hy het op die God wat lewe gee, vertrou. Soms kan ons omstandighede hopeloos voel. Ons kan dink daar is geen uitkoms nie. God is die Gewer van die lewe. Niks is buite sy mag nie. In Christus het God die dood oorwin. Deur Jesus se opstanding het ons die hoop op die ewige lewe. Die dood het nie die laaste woord nie.Here, dankie dat ek nooit in ’n doodloopstraat is nie, want U het mag oor elke omstandigheid, selfs oor die dood. Amen.

Bybelse wysheid

Kommentaar

Republikein 2026-09-16

Meld asseblief aan om kommentaar te lewer

Bybelse wysheid

Kommentaar

Republikein 2026-09-16

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.