Bybelse wysheid

DR. ANNES NELEfesiërs 5:1: “Omdat julle kinders van God is en Hy julle liefhet, moet julle sy voorbeeld volg.”Krylov se bekende fabel vertel van drie diere wat saam ’n wa moes trek. Hulle wou dieselfde plek bereik, maar elkeen het in ’n ander rigting beweeg. Die kreef het agteruit beweeg, die vis het na die water afgetrek en die swaan wou vlieg. Die wa het egter op dieselfde plek gebly.Paulus help ons om die Christelike lewe beter te verstaan. God het ons in Christus ’n nuwe identiteit gegee. Daarom moet ons in dieselfde rigting as God se wil leef. Ons moet ons Vader se voorbeeld volg. Jesus wys hoe God se liefde lyk – selfopofferende liefde! Die Heilige Gees verander ons denke en help ons om elke dag meer soos Christus te leef.Ons kan maklik soos die diere in Krylov se verhaal wees. Ons wil God se seën hê, maar volg soms steeds ons eie kop. Ons praat dalk oor geloof, maar ons keuses wys ’n ander rigting. Dit kan selfs in geloofsgemeenskappe gebeur wanneer ons elkeen in ons eie rigting trek, in plaas daarvan om Christus te volg.God roep ons nie om in verskillende rigtings te trek nie. Hy roep ons om elke dag getrou saam met Hom te loop. Die Vader is die voorbeeld. Christus is die pad. Die Heilige Gees gee ons krag om elke dag te volg.Here, wys my die pad en ek sal U volg. Amen.

Bybelse wysheid

Kommentaar

Republikein 2026-09-01

Meld asseblief aan om kommentaar te lewer

Bybelse wysheid

Kommentaar

Republikein 2026-09-01

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.