Bybelse wysheid

DR. ANNES NELEfesiërs 5:2: “Leef in liefde, soos Christus ons ook liefgehad en om ons ontwil sy lewe as ’n offergawe gegee het, ja, ’n offer wat vir God aanneemlik was.”Paulus roep ons op om in liefde te leef. Liefde moet sigbaar wees in hoe ons elke dag lewe. Die ou lewe was op onsself gerig, maar Jesus wys vir ons ’n ander pad: Liefde wat gee, dien en opoffer. Jesus het ons nie liefgehad omdat ons dit verdien het nie. Hy het Homself vrywillig gegee en niks teruggehou nie. Sy liefde het Hom tot by die kruis gelei. Om Hom te volg, beteken om ook só te leer liefhê: Om te vergewe sonder om boek te hou, om te gee sonder om iets terug te verwag en om ander se welstand te kies, selfs wanneer dit alles van ons vra. Ons is egter nie die oorspronklike produk nie. Ons is eerder getroue weerspieëlings van Christus. C.S. Lewis beskryf hierdie verandering mooi: “Our whole destiny seems to lie in being as little as possible ourselves, in acquiring a fragrance that is not our own but borrowed; in becoming clear mirrors filled with the image of a face that is not ours.”Ons kan nie uit eie krag soos Jesus liefhê nie. Hoe nader ons aan Hom leef, hoe meer word sy liefde in ons sigbaar.Here Jesus, leer my om lief te hê soos U liefgehad het. Laat my lewe U liefde weerspieël. Amen.

Bybelse wysheid

Kommentaar

Republikein 2026-08-27

Meld asseblief aan om kommentaar te lewer

Bybelse wysheid

Kommentaar

Republikein 2026-08-27

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.