Bybelse wysheid

DR. ANNES NELEfesiërs 4:30: “En moenie die Heilige Gees van God bedroef nie, want Hy het julle as die eiendom van God beseël met die oog op die verlossingsdag.”Die Heilige Gees woon in elke gelowige en herinner ons daaraan dat ons aan God behoort. Daarom maak die manier waarop ons praat, dink en ander mense behandel, saak. Paulus waarsku ons om nie die Heilige Gees te bedroef nie. Een vertaling beskryf dit as volg: Moenie die Heilige Gees se hart breek nie. Ons doen dit wanneer ons bitterheid, woede, lelike woorde, skinder, rusie of wrok in ons harte toelaat (4:25-32). Paulus maak dit duidelik dat bitterheid in ons hart begin en dan geweldige negatiewe gevolge vir ons verhoudings en die eenheid tussen gelowiges het. In plaas daarvan moet ons goedgesind, hartlik en vergewensgesind wees (Efesiërs 4:31-32). Die Griekse woord vir “goedgesind” klink baie soos die woord Christus (chrēstos). Dit herinner ons daaraan dat goedgesindheid die karakter van Jesus self weerspieël.Vergifnis beteken nie dat ons verkeerde optrede goedpraat nie. Dit beteken dat ons ons wraakgedagtes laat vaar en die saak aan God toevertrou.Onthou: God het ons deur Christus vergewe. Daarom kan ons ook ander vergewe. Vergifnis bring vryheid, vrede en eenheid. Vra God vandag om enige bitterheid of woede in jou hart aan jou te wys, en kies om dit te laat vaar.Here, help my om bitterheid te laat vaar, ander vrylik te vergewe en met liefde en goedgesindheid te leef. Amen.

Bybelse wysheid

Kommentaar

Republikein 2026-08-21

Meld asseblief aan om kommentaar te lewer

Bybelse wysheid

Kommentaar

Republikein 2026-08-21

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.