Bybelse wysheid

DR. ANNES NELEfesiërs 2:18: “Deur Hom het ons almal deur die een Gees vrye toegang tot die Vader.”Wie is ons? Paulus herinner ons in Efesiërs dat ons identiteit nie in ons verlede, ons sukses of wat ander van ons dink, lê nie. In Christus is ons uitverkies, geliefd, vergewe en deel van God se familie. Deur sy genade het hy ons uit geestelike dood tot nuwe lewe opgewek. Ons het reeds ’n plek saam met Christus in die hemel (2:6). Ons is God se meesterstuk, geskep om volgens sy wil te leef (2:10).God se plan was nog altyd om mense deur Christus bymekaar te bring. Jesus het elke skeidsmuur afgebreek en Jode en heidene een familie met een Vader gemaak. Deur die Heilige Gees het ons almal toegang tot God en word ons saam sy woonplek (2:11-22). Dit is die prag van die Christelike gemeenskap: Mense wat deur God se liefde verenig is.Omdat ons aan Christus behoort, moet ons ons ou lewenswyse agterlaat. Paulus waarsku teen ’n lewe met leë denke wat mense van God af weglei (4:17-19). ’n Verharde hart bring geestelike blindheid en skeiding van God lei tot sondige begeertes. Ons jaag besittings en plesier na, maar niks daarvan kan werklik bevredig nie.Christus roep ons tot ’n heeltemal ander manier van lewe. Hy vernuwe ons gedagtes, versag ons harte en vorm ons om in heiligheid, liefde en waarheid te leef.Vader, dankie dat u my ’n nuwe identiteit in Christus gegee het. Amen.

Bybelse wysheid

Kommentaar

Republikein 2026-09-09

Meld asseblief aan om kommentaar te lewer

Bybelse wysheid

Kommentaar

Republikein 2026-09-09

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.