Bybelse wysheid

DR. ANNES NELJob 38:1,3: “Toe het die Here vir Job aangespreek uit ’n stormwind. . . Ek sal vra, antwoord jy My.”Job het lank na God geroep. Hy het deur pyn, verwarring en stilte gegaan. Oor en oor het hy gevra hoekom soveel lyding oor hom gekom het. Sy vriende het baie verduidelikings gehad, maar hul woorde het min troos gebring. Ná baie hoofstukke vol vrae, redenasies en wagtyd het God uiteindelik uit die storm met Job gepraat (Job 38-41).Nie een van Job se vrae word beantwoord nie. In plaas daarvan het Hy Job se aandag gevestig op die wonder van die skepping en die wysheid van die Skepper. Deur baie vrae het God vir Job gewys dat Hy dinge sien en verstaan wat geen mens ooit ten volle kan begryp nie.Ons beleef tye wanneer dit voel of God stil geword het. Ons bid dieselfde gebede en wonder of Hy hoor. Ons dra seerkry uit die verlede, uitdagings van vandag en vrese oor môre. Soos Job verlang ons dikwels na antwoorde, maar kry dit nie altyd nie.Hierdie hoofstukke leer ons egter dat God se teenwoordigheid belangriker is as ’n verduideliking. Die God wat oor die sterre, die natuur en die hele skepping regeer, is nie afwesig of onverskillig nie. Wanneer ons Hom ontmoet, verander ons perspektief. Hy is God. Ons is nie God nie.Here, help my om U wysheid te vertrou, in U teenwoordigheid te rus en U met verwondering te aanbid. Amen.

Bybelse wysheid

Kommentaar

Republikein 2026-07-23

Meld asseblief aan om kommentaar te lewer

Bybelse wysheid

Kommentaar

Republikein 2026-07-23

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.