Bybelse wysheid

DR. ANNES NELJob 23:2,17: “Ek kla nog steeds uit opstandigheid; ek kan nie ophou kla nie … in hierdie donkerte het ek nie stilgebly nie.”Job is bang, maar hy weier om stil te bly oor sy pyn. Al het hy sy familie, gesondheid en waardigheid verloor, praat hy steeds eerlik met God.God openbaar Hom nie net in wonderwerke, groot krag en woorde van hoop nie. Die noodkrete van mense wat swaarkry, is ook deel van God se openbaring in die Bybel. Baie van die Psalms is klaagliedere vol hartseer, vrae, verwarring en ontnugtering. Job se woorde is eerlik en vol verlange, wanhoop en magteloosheid. Gebed hoef nie mooi of perfek te klink nie. Ons mag eerlik wees met God.Wanneer ons leer om voor God te kla oor gebrokenheid, verander ons harte. Ons begin die pyn van ander mense raaksien en saam met hulle treur. Jesus het self menslike lyding betree. Deur sy opstanding het Hy sonde en dood oorwin en hoop gebring vir ’n nuwe hemel en ’n nuwe aarde. God het in Christus nee gesê vir lyding. Daarom staan Christene saam met mense wat swaarkry en protesteer teen lyding.Paulus herinner ons dat die skepping én ons kreun in hierdie stukkende wêreld (Rom. 8:18-30). Die Gees dra ons sugte na die Vader. Dit is beter om na God uit te roep as om stil van Hom af weg te stap.Here Jesus, leer ons om ons pyn eerlik na U toe te bring. Amen.

Bybelse wysheid

Kommentaar

Republikein 2026-07-14

Meld asseblief aan om kommentaar te lewer

Bybelse wysheid

Kommentaar

Republikein 2026-07-14

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.