Bybelse wysheid

DR. ANNES NELJob 19:25,27: “Ek weet dat my Losser leef; uiteindelik sal Hy op die aarde triomfeer! Ek sal Hóm sien; met my eie oë sal ek Hom sien.”Robert Gordis sê Job se geloof groei in drie fases. Eerstens verlang Job na iemand wat regverdig tussen hom en God kan staan (9:33). Hy voel ver van God af en dink niemand kan hom regtig verdedig nie. Sy hoop is nog swak en onseker.Tweedens begin Job glo dat hy reeds ’n getuie in die hemel het wat namens hom praat (16:20,21). Dit is nie meer net ’n wens nie. God ken sy onskuld en sien sy pyn raak. Job besef hy is nie alleen in sy lyding nie.Derdens praat Job met vaste vertroue oor ’n losser wat uiteindelik geregtigheid sal bring (19:25). In die Ou Testament was ’n losser ’n familielid wat ander familielede moes beskerm, help en herstel. So iemand het mense uit slawerny losgekoop, verlore grond teruggekry en die geregtigheid herstel. Job verlang daarna om hierdie losser self te sien (19:27).Vir ons is al hierdie wense van Job in Jesus Christus waar. Hy is die Middelaar tussen God en mense, die Advokaat van lydende mense en die Verlosser wat red en herstel. Deur Jesus hou ons vas aan hoop, selfs in swaarkry. Sy opstanding wys dat lyding nooit die laaste woord het nie.Here Jesus, gee ons vrede, moed en geloof wanneer ons swaarkry, sodat ons altyd naby U sal bly.

Bybelse wysheid

Kommentaar

Republikein 2026-07-06

Meld asseblief aan om kommentaar te lewer

Bybelse wysheid

Kommentaar

Republikein 2026-07-06

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.