Bybelse wysheid

DR. ANNES NELJob 1:8: “En my dienaar Job – het jy hom raakgesien? Sy gelyke kry jy nie op aarde nie. Hy is vroom en opreg; hy dien My en vermy die kwaad.”Job se vriende het geglo lyding is altyd straf vir sonde. Volgens hulle werk die lewe eenvoudig: Goeie mense word beloon en slegte mense word gestraf. Job moes iets verkeerd gedoen het. Dis hoekom hy alles verloor het. Hulle raad was eenvoudig: draai terug na God, dan sal dit weer goed gaan. Hierdie manier van dink maak van God amper ’n boekhouer wat rekening hou van elke fout en elke goeie daad. Dan begin ons glo omdat ons bang is. Ons probeer net om God tevrede te hou sodat Hy ons kan seën en nie straf nie. Die boek Job wys egter dat dinge nie so eenvoudig werk nie. Van die begin af sê God self dat Job “vroom en opreg” was (1:1; 1:8; 2:3). Die Hebreeuse woorde saam beskryf iemand met integriteit, opregtheid en sterk morele karakter. Job was nie sondeloos of perfek nie, maar hy het God opreg en getrou gedien, geëer en die kwaad vermy.Job se lyding was nie die gevolg van persoonlike sonde nie. God sê self dat Satan Hom aangehits het om Job sonder rede te tref (2:3). Ons moet dus versigtig wees om altyd ’n direkte lyn tussen sonde en lyding te trek. Jesus se onskuldige lyding breek daardie hartelose oordeel af.Here, help ons om U te vertrou, selfs in ons lyding. Amen.

Bybelse wysheid

Kommentaar

Republikein 2026-06-18

Meld asseblief aan om kommentaar te lewer

Bybelse wysheid

Kommentaar

Republikein 2026-06-18

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.