Bybelse wysheid

DR. ANNES NELEfesiërs 2:10: “God het ons gemaak wat ons nou is; in Christus Jesus het Hy ons geskep om ons lewe te wy aan die goeie dade waarvoor Hy ons bestem het.”Gerrit Berkouwer vra: “Wat kan nog bygevoeg word tot die vreugde van iemand wat hoor: ‘Jy is vrygespreek, jou straf is opgehef?’ Wat gebeur as ’n dooie mens opgewek word?”Arnold van Ruler beantwoord hierdie vraag wanneer hy sê dat ons hele lewe dan ’n lofprysingsdiens aan God word – van Maandag tot Sondag, by die werk, by die kerk, by die huis en oral, in alles wat ons sê en doen.Ons is God se nuwe skepping, deur sy genade herskep met ’n doel. Dink aan ’n kunstenaar wat ’n viool maak.As dit klaar is, is die doel daarvan om musiek te maak. Die musiek maak nie die viool nie. Die viool maak die musiek moontlik. Net so maak ons goeie werke ons nie God se kinders nie – dit vloei voort uit wat Hy reeds van ons gemaak het. God maak nou mooi musiek deur ons lewens. Deur ons vertoon God die doel van sy genade, “sodat Hy ook in die tye wat kom, sou laat sien hoe geweldig groot sy genade is deur die goedheid wat Hy in Christus Jesus aan ons bewys het” (2:7). Los dus jou CV, titels en prestasies. Rus in God se genade en leef daarin.God van genade, maak ons bly in U trou en help ons om tot U eer te leef, elke dag. Amen.

Bybelse wysheid

Kommentaar

Republikein 2026-08-03

Meld asseblief aan om kommentaar te lewer

Bybelse wysheid

Kommentaar

Republikein 2026-08-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.