Bybelse wysheid

DR. ANNES NELEfesiërs 2:8,9: “Julle is inderdaad uit genade gered, deur geloof. Hierdie redding kom nie uit julleself nie; dit is ’n gawe van God. Dit kom nie deur julle eie verdienste nie, en daarom het niemand enige rede om op homself trots te wees nie.”Alan Paton het gesê dat die tragedie nie is dat iets gebreek is nie, maar dat dit nooit weer heel gemaak word nie. Miskien is jy stukkend omdat jy jou eie pad gekies en in ’n doodloopstraat beland het. Herman Veldkamp skryf dat God nie die materiaal verwerp nie, maar die verkeerde vorm. Hy gooi mense nie weg nie. Hy red uit genade. Hy maak ons nuut deur die reddingswerk van Christus, selfs wanneer ons misluk het.Sy verlossing is vir mense wat baie keer gefaal het en hulself nie kan heelmaak nie. Daar is net een manier vir gebroke mense om voor God te staan: Ons word uit genade deur geloof gered. Dis God se gawe (2:9).Geloof beteken om op Jesus te vertrou, nie op ons eie pogings nie. ’n Ou belydenis uit die 16de eeu leer dat geloof Christus alleen omhels. Geloof is nie ’n goeie werk nie. Dit is rus in God se gawe. Soos ’n elektriese kar aan die regte kragbron gekoppel moet wees om te werk, is geloof aan God se genade gekoppel. Dit is die krag wat ons red!Here, dankie dat U my gebroke lewe nuut maak deur u genade. Amen.

Bybelse wysheid

Kommentaar

Republikein 2026-07-31

Meld asseblief aan om kommentaar te lewer

Bybelse wysheid

Kommentaar

Republikein 2026-07-31

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.