Bybelse wysheid

DR. ANNES NELEfesiërs 1:21-22: “. . . hoog bo elke mag en gesag, elke krag en heerskappy, en wat daar ook al sprake van mag wees, nie net in hierdie bedeling nie, maar ook in die bedeling wat kom. Ja, aan Hom het God alles onderwerp.”Wie het werklik mag? Paulus waarsku dat daar geestelike magte is (1:21; 2:2; 3:10; 6:10-20), maar beklemtoon ook God se alleroortreffende mag (1:19; 6:10). Christus is bo al hierdie magte (1:20-21; 6:12). Daarom leef ons met hoop en vertroue. Ons bid dat God ons oë van geloof sal oopmaak sodat ons hierdie waarheid kan sien, selfs in moeilike tye.Tog regeer ons nooit in Christus se plek nie. G. K. Chesterton se “The Hammer of God” vertel van ’n priester wat van ’n kerktoring af sy broer met ’n hamer doodgemaak het. Kerktorings is nie gemaak om ons bo ander te verhef nie. Arnold van Ruler sê dat dinge op aarde “op ’n Christelike manier” moet gebeur. Christus regeer deur genade, deur sy Gees, nie deur heilige oorloë, geweld of dwang nie. Jesus, wat gekruisig is, het opgestaan en regeer nou. Ons volg Hom deur nederigheid en opoffering. Ons vertrou op God se krag, nie op ons eie nie.Ons verhef ons nie bo ander nie. Die kerk mag nie trots of magsbehep wees nie. Ons wys God se gesag deur liefde, genade en vergifnis. Ons volg Hom na die kruis en sal eendag die kroon ontvang.Here, regeer in en deur ons met genade. Amen.

Bybelse wysheid

Kommentaar

Republikein 2026-08-03

Meld asseblief aan om kommentaar te lewer

Bybelse wysheid

Kommentaar

Republikein 2026-08-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.