Bybelse wysheid

DR. ANNES NELJudas 1:20-21: “Julle moet egter voortgaan om julle lewe te bou op julle allerheiligste geloof. Bid altyd deur die krag van die Heilige Gees. Bly in die liefde van God. Vestig julle verwagting steeds op die barmhartigheid van ons Here Jesus Christus, wat die ewige lewe aan julle sal gee.”Mense met hoop sit nie net en wag nie – ons doen iets. Christelike hoop is nie ’n ligte wens dat dinge dalk beter sal word nie; dis ’n vaste sekerheid wat rus in God se barmhartigheid (Judas 1:21). Omdat God die krag het om te keer dat ons struikel en ons “onbevlek en met vreugde sy heerlikheid te laat aanskou” (Judas 1:24), bou ons mekaar op in die geloof wat ons ontvang het (Judas 1:20). Hierdie geloof is nie net privaat of onsigbaar nie; dis sigbaar.Judas waarsku dat vals leraars soos wolke sonder reën en bome sonder vrug is (Judas 1:12). Hulle praat, maar doen nie. Ware hoop dra vrug; dit beweeg ons om lief te hê, te dien en te bid. Richard J. Bauckham skryf: “Christene, terwyl hulle met hoop wag op ’n nuwe wêreld, moet daarna streef om mense te word wat by hierdie nuwe wêreld pas.”Jou hoop vorm jou keuses vandag. God het jou lief. Rus in sy barmhartigheid en laat daardie sekerheid oorgaan in dade. Wees deel van ’n geloofsgemeenskap wat jou opbou. Wys jou hoop deur hoe jy vandag leef.Here, verander my hoop in hande en voete wat U en ander vandag dien. Amen.

Bybelse wysheid

Kommentaar

Republikein 2026-09-18

Meld asseblief aan om kommentaar te lewer

Bybelse wysheid

Kommentaar

Republikein 2026-09-18

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.