Bybelse wysheid

DR. ANNES NELKlaagliedere 3:25-26: “Die Here is goed vir wie op Hom bly hoop, vir die mens wat na sy wil vra; dit is goed om geduldig te wag op die hulp van die Here.”Hierdie woorde is gebore in ’n plek van verskriklike pyn. Die skrywer het gesien hoe alles uitmekaar val – sy stad is verwoes, sy mense ly. Sy krag en hoop is min (3:18).Dit is eerlike geloof. Dit maak nie asof alles reg is nie. Tog maak die skrywer ’n keuse: “Maar dít sal ek ter harte neem, en om dié rede bly ek hoop. . .” (3:21). Hy onthou God se liefde: “Deur die liefde van die Here het ons nie vergaan nie; daar is geen einde aan sy ontferming nie” (3:22).Hoop lê nie in omstandighede nie, maar in wie God is. Selfs wanneer alles weg is, bly God dieselfde. Sy ontferming verdwyn nooit nie.Ander in die Bybel het dit ook ontdek. Habakuk het in die Here bly hoop al het die oes misluk (3:17-19). Die psalmdigter sê: “Al is ek afgetakel na liggaam en gees, God is my sterkte” (73:26). Paulus sê niks kan ons skei van God se liefde nie (Romeine 8:35-39).Miskien gaan jy deur ’n moeilike seisoen. Jy voel dalk moedeloos, maar jy kan steeds kies om te hoop. Soek die Here. Onthou sy liefde. Hy is steeds goed – ook vir jou, nou.Here, help my om aan U vas te hou en op U te hoop, ook vandag. Amen.

Bybelse wysheid

Kommentaar

Republikein 2026-09-18

Meld asseblief aan om kommentaar te lewer

Bybelse wysheid

Kommentaar

Republikein 2026-09-18

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.