Bybelse wysheid

DR. ANNES NELRomeine 15:13: “Mag God, die bron van hoop, julle deur julle geloof met alle vreugde en vrede vervul, sodat julle hoop al hoe sterker kan word deur die krag van die Heilige Gees.”Paulus het gelowiges dikwels bemoedig deur vir hulle te bid. Baie van sy gebede gaan oor hoop (sien 1 Korintiërs 1:7-9; Efesiërs 1:18; Filippense 1:9,10). In Romeine sien ons dat die gelowiges deur moeilike tye gegaan het (Rom 8:35-39). Paulus skryf om hulle te versterk. In hierdie vers bid hy nie net vir ’n bietjie hoop nie, maar vir oorvloedige hoop (15:13).Almal het hoop nodig. Plato het gesê hoop is deel van menswees. In die Griekse mitologie word vertel dat mense alles verloor het behalwe elpis (hoop). Vir die Grieke was hoop egter baie onseker – soos ’n onbetroubare weervoorspelling!Christelike hoop is anders. Eerstens, God is die bron van hoop (15:13). Ons skep dit nie self nie. Hy gee dit. Tweedens, hoop vloei uit God se Woord (15:4). Dit is nie wensdenkery nie, maar seker en betroubaar. Derdens groei ons in hoop wanneer ons Hom vertrou. Geloof en hoop hoort saam. Ons hoop groei ook wanneer ons mekaar liefhet (Rom 15:1-8). Hierdie hoop word sterker deur die krag van die Heilige Gees.Dink hoe anders dit sal wees as ons gereeld vir mekaar bid vir hierdie oorvloedige hoop.Vader, Bron van hoop, vul ons met U hoop. Amen.

Bybelse wysheid

Kommentaar

Republikein 2026-05-19

Meld asseblief aan om kommentaar te lewer

Bybelse wysheid

Kommentaar

Republikein 2026-05-19

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.