Bybelse wysheid

DR. ANNES NELHandelinge 12:5: “So is hy dan in die tronk bewaak, maar die gemeente het aanhoudend vir hom tot God gebid.”E.M. Bounds skryf in sy boek Purpose in Prayer (1921) dat gebed soos die kerk se slagveld en vesting is. Dit is waar diep geestelike stryd plaasvind. Sonder gebed verloor die kerk sy krag en misluk. Deur gebed kry Christene energie, selfbeheersing, moed en geestelike groei.Petrus se tyd in die tronk is soortgelyk aan wat baie Christene vandag beleef. Sy situasie het hopeloos gelyk. Hy was swaar bewaak en, menslik gesproke, was daar geen uitkoms nie.Intussen bid die gemeente vir hom. God het geantwoord. Petrus is bevry sonder enige menslike hulp. Niemand het planne gemaak of geld gebruik om wagte om te koop nie. Die Here het alles gedoen.Aanvanklik was Petrus verward. Hy het self nie verstaan wat gebeur het nie. Toe hy buite kom, het hy besef: “Nou besef ek eers regtig dat die Here sy engel gestuur het om my te red” (12:11).Hy gaan toe na die gelowiges wat gebid het. Al het hulle gebid, het hulle nie regtig verwag dat God só sou antwoord nie. Toe ’n diensmeisie sy stem hoor, was sy baie bly. Die biddende gelowiges het haar nie geglo nie: “Jy is mal” (12:15).Hoekom was hulle so verbaas? Antwoord die Here dan nie ons gebede nie? As ons bid vir ons familie, vriende, siekes of moeilike situasies, verwag ons regtig dat God sal optree? Laat God vandag God wees. Hy verhoor gebede ver bo ons verwagtinge.Here, verras my vandag wanneer ek bid vir moeilike situasies. Amen.

Bybelse wysheid

Kommentaar

Republikein 2026-08-03

Meld asseblief aan om kommentaar te lewer

Bybelse wysheid

Kommentaar

Republikein 2026-08-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.