Bybelse wysheid

DR. ANNES NELJakobus 5:16: “Bely julle sondes eerlik teenoor mekaar en bid vir mekaar, sodat julle gesond kan word. Die gebed van ’n gelowige het ’n kragtige uitwerking.”’n Paar vriende en ek het oor gebed en genesing gesels. Ons het nie oor alles saamgestem nie. Een het verduidelik daar is ’n verskil tussen heling en fisiese genesing. Nie almal word liggaamlik gesond nie, maar siekte kan tog genesing op ander maniere bring – soos beter verhoudings en innerlike vrede. Toe vra iemand: As my kind kanker kry, wat sal ek eerste doen? Die antwoord is eenvoudig: Ek sal dadelik bid vir fisiese genesing.Ons het saamgestem: Wanneer iemand siek is, moet ons eerste reaksie wees om te bid vir genesing. Jakobus leer ons om vir siekes te bid en mekaar met eerlikheid en liefde te ondersteun.Gebed is egter nie magies nie. Dit werk nie omdat ons die regte woorde sê of omdat ons spesiaal is nie. Elia, wat groot dinge beleef het, was ’n gewone mens soos ons, sê Jakobus, en sy gebed het ’n groot uitwerking gehad.Genesing kom van God af, nie van ons nie. Wanneer ons bid, vertrou ons Hom en maak ons staat op sy krag. Jakobus verbind gebed ook met skuldbelydenis. Sonde kan ons en ons verhoudings vernietig. Wanneer ons dit erken, bring God genesing – emosioneel en geestelik. Hierdie genesing is net so belangrik soos fisiese herstel.Here, help ons om vir siekes te bid en U te vertrou. Amen.

Bybelse wysheid

Kommentaar

Republikein 2026-08-25

Meld asseblief aan om kommentaar te lewer

Bybelse wysheid

Kommentaar

Republikein 2026-08-25

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.