Bybelse wysheid

DR. ANNES NELMatteus 23:23: “Julle gee tiendes. . . maar wat volgens die wet van God die swaarste weeg, laat julle na: geregtigheid, barmhartigheid en betroubaarheid. Juis hierdie dinge moet ’n mens doen en die ander nie nalaat nie.”Charles Dickens het geskryf: “’n Liefdevolle hart is ware wysheid.” ’n Mens kan godsdienstig lyk, maar steeds mis wat regtig saak maak. Jesus waarsku hierteen. Party mense was baie noukeurig met klein godsdienstige pligte, maar het geregtigheid, barmhartigheid en getrouheid afgeskeep.God gee meer om oor hoe ons mense behandel as oor uiterlike rituele. Geloof moet ons harte vorm, nie net ons gewoontes nie. Die filosoof Francis Bacon was reg: “Van al die deugde in ons lewe is goedheid die belangrikste, omdat dit ’n goddelike karakter vertoon. Daarsonder is die mens ’n besige, skadelike en ellendige wese.”Die verhaal van die Samaritaan wys dit duidelik. Die mense wat moes help, het niks gedoen nie. Die een van wie niemand iets verwag het nie, het ware liefde gewys.Jean N. Grou sê ons moet nie liefde deur ons gevoelens laat bepaal nie. As ons opreg probeer om God te dien en aanhou, selfs deur swaarkry en moegheid, sal ons egte liefde aanleer.Vandag is ’n kans om ons lewe te ondersoek. Hoe kan my verhouding met God prakties in dade duidelik word? Hierdie vraag daag ons uit om nie in rituele en pligte vas te haak nie, maar om die Here se karakter te vertoon.Here, gee my ’n hart wat barmhartigheid bo voorgee kies. Amen.

Bybelse wysheid

Kommentaar

Republikein 2026-08-03

Meld asseblief aan om kommentaar te lewer

Bybelse wysheid

Kommentaar

Republikein 2026-08-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.