Bybelse wysheid

DR. ANNES NEL

Esegiël 33:7: “Mens, Ek het jou die wag vir Israel gemaak. Wanneer jy by My die opdrag ontvang, moet jy hulle namens My waarsku.”

By ’n biduur het ’n kinder-evangelis vertel van ’n 11-jarige seun wat besluit het om Jesus te volg. Hy was baie opgewonde en het vir ander van Hom begin vertel. Dit het my laat dink aan my eie jong dae, toe ek meer passievol was oor mense wat God nie ken nie.

In die Bybel sê die Here vir Esegiël hy is ’n “wag” (Esegiël 33:7). ’n Wag staan op die stadsmuur en waarsku teen gevaar (Esegiël 33:2-3). As hy gevaar sien, kan hy die mense waarsku of stilbly. As hy waarsku en hulle luister, word hulle gered (Esegiël 33:4-5). As hulle nie luister nie, is dit hulle keuse. As hy stilbly, is hy verantwoordelik vir wat gebeur (Esegiël 33:6).

Mense rondom ons kan ook op ’n gevaarlike pad wees – deur sonde, stukkende verhoudings, of omdat hulle van God af wegdryf. God het jou in hulle lewens geplaas met ’n doel. Hy wil hê mense moet wegdraai van verkeerde paaie en lewe (Esegiël 33:10-11; 2 Petrus 3:9).

Dink aan iemand wat vandag God se waarheid moet hoor. Moenie uitstel nie. Onthou jou eerste liefde vir God (Openbaring 2:4) en deel die goeie nuus. Sonder jou mag hulle dalk nooit die vyand sien aankom nie.

Heilige Gees, gee my weer ’n liefde vir mense wat ver van U is. Amen.