Bybelse wysheid

DR. ANNES NEL1 Korintiërs 13:4, 5, 7: “Die liefde is geduldig, die liefde is vriendelik. . . dit hou nie boek van die kwaad nie. Dit bedek alles, glo alles, hoop alles, verdra alles.”Elke taal het liedjies en gedigte oor liefde. Ware liefde is egter moeilik om uit te leef. Dit is veral moeilik omdat die Bybel sê liefde hou vir altyd (1 Korintiërs 13:13). In die werklike lewe sien ons dikwels die teenoorgestelde. Liefde verdwyn. Mense raak moeg vir mekaar. Liefde verander in haat.Hoekom gebeur dit? Een rede is dat ons liefde verkeerd verstaan. Dit gebeur in huwelike, vriendskappe en selfs in kerke. Ons het die wêreld se idee van liefde aanvaar sonder om dit te bevraagteken. Daardie idee sê: Ons het lief op grond van wat ons sien of kan kry. Dis ’n transaksie!Die Bybel praat van ’n ander soort liefde. God het ons lief soos ons is. Sy liefde is onvoorwaardelik. Christus het vir ons gesterf toe ons nog sondaars was (Romeine 5:6-10).Dit is die liefde waarvan Paulus in 1 Korintiërs 13 praat. Daniël Louw sê liefde is genade – dit gee selfs wanneer iemand niks verdien nie en niks teruggee nie. Dit betoon genade en hou nie boek van die kwaad nie.Hierdie liefde is nie maklik nie. Dit is net moontlik deur die werk van die Heilige Gees vir dié wat Jesus as Here bely (1 Kor 12:3).Here, U het my lief soos ek is. Help my om ander ook so lief te hê. Amen.

Bybelse wysheid

Kommentaar

Republikein 2026-06-19

Meld asseblief aan om kommentaar te lewer

Bybelse wysheid

Kommentaar

Republikein 2026-06-19

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.